INFORMASJONSSKRIV TIL FORESETTE TIL ELEVAR VED FORSAND SKULE
Klorgasslekkasje på Forsand kulturhus - elevane på skulen er evakuert - informasjon til foresette
Lekkasjen oppstod ca kl. 10.30 i dag (fredag 27.09.13) i kjellaren på Forsand kulturhus. Elevar og lærarar blei difor evakuert.
Brannvesen med gassdykkarar er i arbeid på staden, og lege og ambulanse er i beredskap. Fylkesvegen og kommunal veg forbi skule og kulturhus var i ein periode stengt, men er no delvis opna for trafikk.
Elevar ved Forsand skule blir sendt heim med skulebussen. I følgje kommunelegen er dette gassutsleppet hovudsakleg ein vevs-irriterande gass, og skade på menneske er avhengig av eksponeringstid og mengde. Det er liten fare for at elevar har blitt eksponert for denne gassen. Dei vanlegaste symptoma er vondt i halsen, sår hals, såre auge og liknande.
Kommunelegen har gitt melding vidare til legevaktsentralen, slik at dei er forberedt på at nokon kan trenge oppfølging i løpet av kvelden eller helga. Forsand kommune vil legge ut oppdatert informasjon på www.forsand.kommune.no .