Har du sett ein hai?
Det er Börje Svensson, landbruks- og miljøansvarleg i Forsand som spør på vegne av HAI Norge. Den vitskaplege foreininga arbeidar med å kartleggje omfanget av brugde langs kysten. Brugda er verdas nest største hai, som tidlegare var tallrik - også i norske farvann, men som no er sjeldan å sjå på grunn av overfiske.
Brugde
HAI-Norge vil gjerne kartleggje alle observasjonar av brugde, og ber om at alle som meiner å ha sett arten melder frå om dette:
- observasjonar dei siste fem åra
- brugder som er tekne i garn eller skylt i land
- historiar om brugder og fangstinformasjon
Her kan du lese meir om prosjektet og melde inn observasjonar - også historiske: HAI-Norge