Fiber til Forsand
Telenor melder om ei mindre forseinking i ferdigstilling av fiberprosjektet i Forsand - det er utfordringar med levering av fiber som er årsaka:
Det er mangel på fiber i heile Europa for tida, og leverandørane av fiber slit med uvanleg stor etterspurnad - dette får konsekvensar også for Forsand.
Det er med bakgrunn i denne situasjonen at Telenor no varslar ei mindre forseinking på omlag ein månad i prosjektet.
Dei aller fleste som har tinga fiber vil likevel være på nett i haust - ferdigstilling av prosjektet er framleis planlagt til å være som avtalt i 2019.
Sluttbrukarar omfatta av forseinkinga blir varsla om dette av leverandør.