Tema i år er Nytt liv i gamle minne. Me besøker Sisselhuset som blei restaurert i 2008. Grunneigar saman med Forsand kommune, Rogaland fylkeskommune og Ryfylkefondet finansierte restaureringsprosjektet. Minst muleg av treverket blei skifta ut, helst bare reparert. I dette huset budde Sissel Ivarsdotter frå 1920 til 1935. Huset blei bygd i 1842, seinare påbygd i 1880. Huset er ein sjeldan kulturskatt med stovehus bygd saman med driftsbygningen, det einaste huset av denne typen i Forsand kommune.